Thursday, 7 May 2020

PËRÇARJE MES ALBIN KURTIT DHE GLAUK KONJUFCËS? – KY ËSHTË REAGIMI NGA VETËVENDOSJE!


Deputeti i Lëvizjes Vetëvendosje, Mefail Bajqinovci, i është përgjigjur fjalëve të qarkulluara kohëve të fundit, për një acarim të marrëdhënieve mes Albin Kurtit dhe Glauk Konjufcës.

Në një fotografi të publikuar në Facebook, Bajqinovci, shihet i shoqëruar me kryeministrin në detyrë, Albin Kurti dhe ministrin në detyrë të Punëve të Jashtme dhe Diasporës, Glauk Konjufca.

“Veç po lodheni duke spekuluar❤️”, ka shkruar Bajqinovci, ani pse fotografia është e bërë shumë kohë më parë dhe nuk është realizuar këto ditë.

Përtej kësaj, zëra për një acarim mes tyre u shtuan, pas një shkrimi të kryetarit të VV-së, Albin Kurti, i cili falenderoi dy persona për rritjen e Lëvizjes Vetëvendosje, ku në asnjërin nga ata emra nuk ishte Konjufca, ani pse kishte dalur personi numër dy më i votuari në zgjedhjet e fundit.


0 Komentues: